Por acordo do Pleno do Concello do 14 de marzo de 2016 aprobouse o Plan xeral de ordenación municipal (PXOM) de Campo Lameiro.
De conformidade co artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, o documento foi sometido a exposición pública por prazo de dous meses, mediante anuncios publicados no Boletín Oficial da provincia do 13 de xuño de 2016 e no Diario Oficial de Galicia do 29 de xuño de 2016.
Así mesmo, foi sometido a anuncios no Diario de Pontevedra do 30 de xuño de 2016 e Faro de Vigo do 30 de xuño de 2016.
Por decisión do Pleno do Concello do 1 de agosto de 2016 acordouse prorrogar en dous meses o prazo de exposición pública do PXOM do Concello de Campo Lameiro.
Durante o dito prazo poderá ser examinado por calquera interesado/a nas dependencias municipais para que se formulen as alegacións que se consideren pertinentes.
Campo Lameiro, 10 de agosto de 2016
Julio G. Sayáns Bugallo
Alcalde