Mediante a Resolución do 15 de setembro de 2016, a Dirección Xeral de Desenvolvemento Pesqueiro acordou a ratificación e posterior inscrición no Rexistro de Confrarías e das súas Federacións (tomo II, libro 1-Confraría de Pescadores da Coruña), da modificación do artigo 3 do estatuto da Confraría de Pescadores da Coruña, referente ao seu domicilio social, que queda redactado do seguinte xeito:
«A Confraría ten o seu domicilio social na dársena de Oza, local AR098, da cidade da Coruña, e o cabido poderá acordar o cambio de domicilio dentro do seu ámbito territorial e dará conta á xunta xeral e á consellería competente en materia de pesca».
Santiago de Compostela, 20 de setembro de 2016
Susana Rodríguez Carballo
Directora xeral de Desenvolvemento Pesqueiro