De conformidade co disposto nos artigos 59.5 e 61 da Lei 30/1992, do 26 de novembro (BOE núm. 285, do 27 de novembro), modificada pola Lei 15/2014, do 16 de setembro (BOE núm. 226, do 17 de setembro), de réxime xurídico das administracións públicas e do procedemento administrativo común, notifícaselle a Marcos Cubeiro Carro, con último domicilio coñecido na rúa Xeral Porlier, 1, 2º D, de Arteixo, A Coruña, na súa condición de propietario da embarcación acreditada por escritura pública notarial de venda outorgada o 13 de decembro de 2013, Resolución do presidente de Portos de Galicia do 13 de xullo de 2016, que declara en situación de abandono o barco Faxán, barco da lista 4ª, inscrito no folio 5/1998, do distrito marítimo de Vilagarcía de Arousa, que na actualidade se atopa varado na mariña seca do porto da Pobra do Caramiñal, por non ser posible a notificación a través do servizo de Correos.

Así mesmo, este anuncio se publicará no Diario Oficial de Galicia, ben que a eficacia do acto notificado quedará supeditada á súa publicación no BOE.

A resolución emítese, por atoparse a embarcación, antes da súa varada forzosa polo perigo de afundimento, atracada sen actividade ningunha durante dous anos, en estado de abandono e sen aboar taxas, con base no establecido nos artigos 302 e 304 do Real decreto lexislativo 2/2011, do 5 de setembro, que aproba o texto refundido da Lei de portos do Estado e da mariña mercante, e unha vez que no BOE número 151, do 23 de xuño de 2016 se publica o acordo de inicio de expediente sen que conste a presentación de alegacións.

A declaración de abandono implica que Portos de Galicia vai proceder ao alleamento da embarcación de acordo e cos efectos establecidos na Lei 5/2011, do 30 de setembro, do patrimonio da Comunidade Autónoma de Galicia.

De non ser factible o alleamento en atención ao estado de conservación da embarcación, ou no caso de quedar deserta a venda, Portos de Galicia poderá proceder a trasladar a embarcación a vertedoiro autorizado. Todo os custos que isto implique serán a costa do propietario.

Contra a presente resolución, que pon fin á vía administrativa e é executiva, poderase interpor recurso contencioso-administrativo nun prazo de dous meses contados desde o día seguinte ao da publicación deste anuncio, ante o xulgado do contencioso-administrativo de Santiago de Compostela que corresponda.

O expediente completo para o seu exame e consulta se atopa na sede dos servizos centrais de Portos de Galicia sitos na praza de Europa, número 5-A, 6º de Santiago de Compostela.

Santiago de Compostela, 15 de setembro de 2016

José Juan Durán Hermida
Presidente de Portos de Galicia