En sesión que tivo lugar o día 30 de agosto de 2016, o tribunal nomeado pola Orde do 19 de maio de 2016 (DOG núm. 100, do 27 de maio) para xulgar o proceso selectivo para o ingreso no corpo administrativo da Administración xeral da Xunta de Galicia, subgrupo C1, acordou:

Á vista das alegacións presentadas ás puntuacións publicadas correspondentes ao primeiro exercicio do proceso selectivo de referencia detectouse un erro material nas ditas puntuacións.

Corrixido o erro, procédese a publicar novamente as puntuacións obtidas no dito primeiro exercicio da oposición no lugar onde se realizou a proba, no taboleiro de anuncios do Servizo de Rexistro Xeral e Información á Cidadanía da Vicepresidencia e Consellería de Presidencia, Administracións Públicas e Xustiza e no portal web corporativo funcionpublica.xunta.gal

De acordo co disposto na base II.2.7 da orde da convocatoria, as persoas aspirantes poderán presentar as alegacións que consideren oportunas en relación coas puntuacións no prazo de 10 días hábiles contados desde o seguinte ao da publicación desta resolución no Diario Oficial de Galicia.

De conformidade coa base III.13 da orde da convocatoria, contra este acordo poderase interpoñer recurso de alzada ante o conselleiro de Facenda nos termos previstos nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 1 de setembro de 2016

Francisco Tomás Couso González
Presidente do tribunal