De conformidade co disposto nos artigos 59.5 e 61 da Lei 30/1992, do 26 de novembro, intentada a notificación persoal e devoltas polo servizo de Correos por resultar imposible a súa práctica, mediante este anuncio notifícaselles ás empresas relacionadas no anexo as resolucións ditadas nos expedientes sancionadores na orde social.
O texto íntegro das resolucións poderanse consultar nas dependencias da Secretaría Xeral de Emprego, situada no Edificio Administrativo San Lázaro, s/n, 15781, Santiago de Compostela, no prazo de dez días contados desde o día seguinte ao da data de publicación deste anuncio no Boletín Oficial del Estado. Transcorrido este prazo, teranse por notificadas as actuacións.
As resolucións poñen fin á vía administrativa, polo que os interesados poderán impugnalas perante os xulgados sociais no prazo de dous meses contados desde a súa publicación, de acordo co disposto nos artigos 2.n) e 6.2.b) da Lei 36/2011, do 10 de outubro, reguladora da xurisdición social.
Advírteselles que terán que aboar a multa imposta mediante a necesaria utilización do impreso que poderán solicitar na correspondente Xefatura Territorial da Consellería de Economía, Emprego e Industria, no número de conta, na entidade bancaria e no prazo que nel se sinala, dentro do prazo de pagamento do período voluntario, xa que, noutro caso, se incoará o procedemento pola vía de constrinximento.
Santiago de Compostela, 18 de xullo de 2016
Covadonga Toca Carús
Secretaria xeral de Emprego
