Mediante Resolución do 13 de maio de 2016, da Dirección Xeral de Enerxía e Minas da Consellería de Economía, Emprego e Industria, autorizouse administrativamente, aprobouse o proxecto de execución e recoñeceuse a utilidade pública, en concreto, da infraestrutura gasista de instalación dunha extensión de rede en MOP 10 bar desde a posición 05 do GTB Mariña Lucense para subministración a Burela-trazado no municipio de Cervo (Lugo).

Esta declaración de utilidade pública, segundo o disposto no artigo 105 da Lei 34/1998, do 7 de outubro, do sector de hidrocarburos, leva implícita a necesidade de ocupación dos bens ou de adquisición dos dereitos afectados e implicará a súa urxente ocupación para os efectos do artigo 52 da Lei de expropiación forzosa, do 16 de decembro de 1954.

De acordo co anterior, esta xefatura territorial, en cumprimento do disposto no artigo 52 da Lei de expropiación forzosa, resolve convocar a todas as persoas afectadas coas que non se chegou a un acordo incluídas na relación de bens e dereitos que se insire como anexo á presente resolución e que se publica tamén no taboleiro de anuncios do Concello de Cervo, deducida da que se someteu a información pública no Boletín Oficial da provincia de Lugo do 7 de outubro, nos diarios El Progreso e La Voz de Galicia do 15 de outubro, e no Diario Oficial de Galicia do 16 de outubro de 2015, para que comparezan no concello sinalado como punto de reunión para, de conformidade co procedemento que establece o citado artigo, levar a cabo o levantamento das actas previas á ocupación.

Desta convocatoria darase traslado aos interesados mediante a oportuna citación individual, na cal se sinalará o día e a hora para o levantamento das actas previas. Así mesmo, no taboleiro de anuncios do Concello de Cervo estará exposta a data do levantamento das actas. Todos os interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, achegando os documentos acreditativos da súa titularidade, e poden acompañarse dos seus peritos e dun notario pola súa conta (artigo 52.3 da Lei de expropiación forzosa).

Así mesmo, advírteselles a todos os interesados que poderán formular alegacións por escrito nesta xefatura territorial (rolda da Muralla, 70, Lugo) ata o momento do levantamento de actas previas, para os únicos efectos de corrixir os posibles erros cometidos na relación de bens e dereitos afectados (artigo 56.2 do Regulamento da Lei de expropiación forzosa).

Esta publicación realízase igualmente para os efectos que determina o artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, en relación co establecido no artigo 5 da Lei de expropiación forzosa.

No expediente expropiatorio asumirá a condición de beneficiaria Gas Galicia SDG, S.A.

Lugo, 27 de xullo de 2016

A xefa territorial de Lugo
P.A. (Artigos 62.3 e 63.1.b) do Decreto 175/2015, do 3 de decembro)
Álvaro Rodríguez Vázquez
Xefe do Servizo de Administración Industrial de Lugo

ANEXO
Relación concreta e individualizada dos bens e dereitos afectados

Proxecto: extensión de rede en MOP 10 BAR desde a posición 05 do GTB Mariña Lucense para subministración a Burela, trazado no municipio de Cervo (Lugo).

Abreviaturas utilizadas: SP-servidume permanente de paso; OT-ocupación temporal; Pol.-polígono; Par.-parcela; LU-Lugo; CE-Cervo.

Termo municipal: Cervo (Lugo).

		Afección			Datos catastrais
Nº predio	Titular e enderezo	SP (ml)	SP (m²)	OT (m²)	Pol.	Par.	Lugar	Natureza
LU-CE-308	Descoñecido	19,0	44,0	107,0	61	566	Lamacede	Eucaliptal