Marta Yanguas del Valle, letrada da Administración de xustiza do Xulgado do Social número 5 de reforzo da Coruña, fago saber que no procedemento de despedimento/cesamentos en xeral 1129/2015 deste xulgado do social, seguido por instancia de Borja Rodríguez Peláez contra Nutrifitness Personal Trainers, S.L., Consigue Tu A., S.L., Fogasa, sobre despedimento, se ditou a seguinte resolución:
Sentenza: 496/2016.
Reforzo.
Xuíz: Javier López Cotelo.
Procedemento: despedimento 1129/2015.
Demandante: Borja Rodríguez Peláez.
Letrado: Sr. Abad Díaz.
Demandado:
– Nutrifitness Personal Trainers, S.L.
– Consegue Tu A., S.L.
Letrado: (…)
Sentenza 496/2016.
A Coruña, 27 de xullo de 2016.
Decicisión:
1º. Estimo a demanda sobre despedimento formulada por Borja Rodríguez Peláez fronte a Nutrefitness Personal Trainers, S.L. e Consigue Tu A., S.L. e, en consecuencia, declaro a improcedencia do despedimento e condeno as demandadas a que readmitan inmediatamente o traballador nas mesmas condicións que rexían antes de producirse o despedimento, ou ben, á elección da empresa, a que extinga a relación laboral con aboamento da indemnización detallada no número segundo desta decisión. Todo iso con aboamento, no caso de opción pola readmisión, dos salarios de tramitación que non percibise ata a notificación da presente sentenza.
A dita opción deberá exercerse en 5 días a partir da notificación desta sentenza, mediante escrito ou comparecencia ante este xulgado. Transcorrido o dito termo sen que se optase, entenderase que procede a readmisión.
2º. A indemnización, o prazo de aviso previo non concedido e os salarios de tramitación que deberán aboar as empresas demandadas solidariamente, segundo o disposto no número anterior, son os seguintes:
– En concepto de indemnización, e de optar a empresa por ela: a cantidade de 527,07 euros.
– En concepto de salarios de trámite, para o caso de opción pola readmisión, os deixados de percibir desde a data do despedimento e ata a notificación da presente sentenza, calculados a razón de 27,38 €/día.
3º. Estimo a demanda sobre reclamación de cantidade formulada por Borja Rodríguez Peláez fronte a Nutrefitness Personal Trainers, S.L. e Consigue Tu A., S.L. e, en consecuencia, condeno estas a aboarlle solidariamente ao primeiro a suma de 1.353,27 euros en concepto de salarios do mes de setembro de 2015 e de 19 días do mes de outubro de 2015.
Inscríbase a presente resolución no libro de sentenzas, deixando testemuño desta no presente procedemento.
Notifíqueselles esta sentenza ás partes advertíndolles que contra ela se poderá interpor recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.
Así o pronuncio, mando e asino, Javier López Cotelo, xuíz social de reforzo.
Publicación. A anterior sentenza foi lida e publicada polo xuíz que a subscribe no día da súa data, do cal eu, a secretaria xudicial, dou fe.
E para que lle sirva de notificación en legal forma a Nutrifitness Personal Trainers, S.L. e a empresa Consigue Tu A., S.L., en ignorado paradoiro, expido o presente para a súa inserción no DOG.
Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.
A Coruña, 27 de xullo de 2016
A letrada da Administración de xustiza
