De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle, a través do Boletín Oficial del Estado, a persoa que a continuación se indica a resolución do expediente administrativo instruído de conformidade co disposto no artigo 172 e seguintes do Código civil, por non ser posible a dita notificación no último domicilio que consta no expediente existente nesta xefatura territorial.

A persoa interesada poderá interpoñer recurso, ante o Xulgado de Primeira Instancia de Pontevedra que por quenda corresponda, no prazo de dous meses desde o día seguinte ao da publicación desta cédula no Boletín Oficial del Estado, sen necesidade de reclamación administrativa previa de conformidade co disposto no artigo 780 da Lei 1/2000, do 7 de xaneiro, de axuizamento civil.

O correspondente expediente consta no Servizo de Familia, Infancia e Dinamización Demográfica da Xefatura Territorial en Vigo da Consellería de Política Social, na rúa Concepción Arenal nº 8, 1º andar, 36201 Vigo, onde poderá comparecer a persoa interesada, no prazo de dous meses desde o día seguinte ao da publicación desta cédula no Boletín Oficial del Estado, para o coñecemento do contido íntegro da resolución, de luns a venres laborables e das 9.00 ás 14.00 horas.

Nº de expediente: 2015/223-36.

Interesada: María José Fernández García.

Enderezo: rúa Uxío Novoneyra, nº 5, 2, Chantada, Lugo.

Asunto: notificación dunha resolución administrativa do 2 de xuño de 2016.

Vigo, 20 de xullo de 2016

María Peón Fernández
Xefa territorial de Vigo