Aprobado por Resolución da Alcaldía do 8 de xullo de 2016 o expediente de contratación, incluídos os pregos de cláusulas administrativas particulares técnicas que rexerán o concurso para adxudicar a contratación das obras contidas no proxecto instalacións e equipamentos Casa dos Alonsos, por importe de 163.546,59 euros, IVE incluído, redactado polo arquitecto técnico municipal Hermelindo Martínez González, ao abeiro da subvención concedida ao Concello da Guarda pola Deputación Provincial dentro do Plan provincial de obras e servizos 2015 (PPOS 2015) exponse ao público durante 8 días, contados a partir do seguinte ao da última publicación do presente anuncio no Diario Oficial de Galicia ou no BOP, para que poidan presentarse reclamacións por quen se considere interesado.

Simultaneamente, anúnciase o concurso, e a licitación aprazarase se resulta necesario por formularse reclamacións contra os pregos.

Entidade adxudicadora: Concello da Guarda, praza do Reló, s/n, 36780. Teléfono: 986 61 00 00. Fax: 986 61 02 83. Correo electrónico: alcaldia@aguarda.es

Perfil do contratante municipal: www.aguarda.es

Obxecto do contrato: adxudicar a contratación das obras instalacións e equipamentos Casa dos Alonsos.

Prazo de execución: corenta e cinco (45) días laborables.

Tipo de licitación: 163.546,59 euros, IVE incluído (respecto do que se admiten baixas).

Modalidade de adxudicación: concurso público, procedemento aberto, tramitación ordinaria.

Garantías:

Garantía provisional: non se exixe.

Garantía definitiva: o adxudicatario, como requisito previo e necesario para a formalización do contrato, deberá constituír a garantía definitiva a que se refire o artigo 95 do TRLCSP, por importe equivalente ao 5 % do importe da adxudicación, excluído o imposto sobre o valor engadido, por medio de calquera das formas previstas no artigo 96 e segundo o estipulado no artigo 97 do TRLCSP en canto ao réxime das garantías prestadas por terceiros.

Exame do expediente: os licitadores poderán examinar o expediente na Secretaría Xeral do Concello, de luns a venres, das 9.00 ás 14.00 horas, excepto sábados e festivos e ata o día anterior ao do remate do prazo de presentación de proposicións.

Presentación de proposicións: as proposicións presentaranse no rexistro xeral deste concello, de luns a venres, das 9.00 ás 14.00 horas, e os sábados das 10.00 ás 13.00 horas, durante o prazo de quince (15) días naturais contados desde o día seguinte ao da publicación do último anuncio no BOP e no DOG, na forma sinalada na cláusula 13 do prego de cláusulas administrativas técnicas. Se o último día de presentación de ofertas for inhábil, prorrogarase ata o día hábil seguinte.

Apertura de proposicións: a cualificación da documentación xeral pola mesa de contratación terá lugar no Concello da Guarda ás 10.00 horas do terceiro día hábil seguinte ao que termine o prazo para a presentación de proposicións. Ás 10.00 horas do sexto día hábil seguinte á finalización do prazo de presentación de ofertas, procederá a mesa de contratación en acto público á apertura das ofertas económicas e técnicas presentadas. A estes efectos, se tales días son sábado, o acto terá lugar o día hábil seguinte.

Gastos de anuncios: por conta do adxudicatario.

A Guarda, 8 de xullo de 2016

Antonio Lomba Baz
Alcalde