Eu, María Susana Gamonal Lombardero, letrada da Administración de xustiza do Xulgado de Primeira Instancia e Instrución número 2 de Betanzos, por medio do presente,

Anuncio:

No presente procedemento ordinario 366/2015, seguido por instancia de Antonio Calaza Porto, José Calaza Porto fronte a Antonieta Calaza Marín, Zulimar Josefina Calaza Botana, ditouse sentenza cuxa decisión é do teor literal seguinte:

Decisión.

Que debo estimar e estimo integramente a demanda interposta pola procuradora Sandra Amor Vilariño, en nome e representación de Antonio Calaza Porto e José Calaza Porto, fronte a Antonieta Calaza Marín, José Manuel Calaza Marín e Zulimar Josefina Calaza Botana, estando os demandados en rebeldía procesual e, en consecuencia, debo declarar e declaro extinguido o dominio que teñen as partes sobre os inmobles descritos no fundamento de dereito primeiro desta resolución, facendo pasar os demandados pola dita declaración. Procédese á división da dita copropiedade e repútanse os ditos bens indivisibles. Esta extinción verificarase, na falta de acordo sobre a adxudicación, e procederase ao alleamento dos ditos bens mediante a súa venda en pública poxa, con admisión de licitadores estraños. O prezo obtido distribuirase entre os copropietarios en proporción ás súas cotas.

Sen expresa condena en custas.

Notifíqueselles a presente resolución ás partes, advertíndolles que contra esta cabe recurso de apelación para ante a Audiencia Provincial da Coruña, recurso que deberá interporse ante este xulgado no prazo de vinte días desde a súa notificación.

Así, por esta a miña sentenza, definitivamente xulgando en primeira instancia, pronúncioo, mándoo e asínoo.

E encontrándose os ditos demandados, Antonieta Calaza Marín, José Manuel Calaza Marín, Zulimar Josefina Calaza Botana, en paradoiro descoñecido, expídese o presente edicto co fin de que lles sirva de notificación en forma a estes.

Betanzos, 28 de marzo de 2016

A letrada da Administración de xustiza