María Isabel Freire Corzo, letrada da Administración de xustiza da Sección Primeira da Sala Segunda do Social do Tribunal Superior de Xustiza de Galicia, fai saber que no procedemento recurso de suplicación 599/2016 desta sección, seguido por instancia de Juan Carlos Iglesias Alonso e el Instituto Nacional da Seguridade Social contra a Tesouraría Xeral da Seguridade Social, Blokdegal, S.A., Nor Rubber, S.A.L., Granitos Burato, S.L., Mutua Gallega de Accidentes de Trabajo, Fremap, Mutua de accidentes de traballo e enfermidades profesionais nº 61, Canteras Roygan, S.L., Mutua Asepeyo, mutua de accidentes de traballo e enfermidades profesionais, sobre accidente, se ditou a seguinte resolución:

Resolvemos:

Que desestimando o recurso de suplicación interposto polo INSS e estimando o recurso de suplicación interposto por Juan Carlos Iglesias Alonso contra a sentenza ditada polo Xulgado do Social número 3 de Vigo, con data do 24 de setembro de 2015, e con revogación parcial da súa resolución, debemos condenar o INSS ao aboamento da prestación correspondente resultante das bases de cotización reais durante o período de decembro de 1999 a decembro de 2000, últimos doce meses traballados na súa profesión habitual debidamente actualizados.

Notifíquese a presente resolución ás partes e á Fiscalía do Tribunal Superior de xustiza de Galicia.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 37, seguida de catro díxitos correspondentes ao nº do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo «Observacións ou Concepto da transferencia» os 16 díxitos que corresponden ao procedemento (1552 0000 80 ou 37 **** ++).

Unha vez firme, expídase certificación para constancia na peza, que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentenza, pronunciámolo, mandámolo e asinámolo.

E para que sirva de notificación en legal forma á empresa Canteras Roygan, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 29 de xuño de 2016

A letrada da Administración de xustiza