Aprobado inicialmente o Plan xeral de ordenación municipal, por Acordo do Pleno do Concello do 14 de marzo de 2016, de conformidade co artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, sométese a información pública polo prazo de dous meses contados desde o día seguinte ao da publicación deste anuncio no Diario Oficial de Galicia, no Boletín Oficial da provincia, no taboleiro de anuncios do Concello de Campo Lameiro e na prensa local.
Durante o dito prazo poderá ser examinado por calquera interesado/a nas dependencias municipais para que se formulen as alegacións que se consideren pertinentes.
Quedan suspendidas as licenzas en todas as áreas do Concello de Campo Lameiro.
A duración desta suspensión será ata o momento da aprobación definitiva do Plan xeral de ordenación municipal, cun máximo de dous anos.
Campo Lameiro, 9 de maio de 2016
Julio G. Sayáns Bugallo
Alcalde