Para os efectos previstos no Real decreto 815/2013, do 18 de outubro, polo que se aproba o Regulamento de emisións industriais e de desenvolvemento da Lei 16/2002, do 1 de xullo, de prevención e control integrados da contaminación (BOE núm. 251, do 19 de outubro) e na Lei 21/2013, do 9 de decembro, de avaliación ambiental (BOE núm. 296, do 11 de decembro), faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedarán expostos os documentos titulados:
– Proxecto básico para a solicitude da modificación substancial da autorización ambiental integrada da planta de extrusionado, lacado e anodizado de perfís de aluminio do complexo industrial Extrugasa. Concello: Valga. Maio 2016. Ed. 2.
– Estudo de impacto de integración paisaxística para a modificación substancial da autorización ambiental integrada da planta de extrusionado, lacado e anodizado de perfís de aluminio do complexo industrial Extrugasa en Valga. Novembro 2015.
– Estudo de impacto ambiental da modificación substancial da planta de extrusionado, lacado e anodizado de perfís de aluminio do complexo industrial Extrugasa en Valga. Novembro 2015.
– Estudo de impacto ambiental para a modificación substancial da autorización ambiental integrada da planta de extrusionado, lacado e anodizado de perfís de aluminio do complexo industrial de Extrugasa en Valga. Documento de síntese. Novembro 2015. Ed. 1.
Para que calquera interesado poida consultalos e, de ser o caso, formular no dito prazo as alegacións, suxestións ou observacións que considere convenientes. Os documentos estarán á disposición dos administrados, en horario de atención ao público, nas seguintes dependencias:
– Secretaría Xeral de Calidade e Avaliación Ambiental, Servizo de Prevención e Control Integrados da Contaminación (rúa de San Lázaro, s/n, 15781 Santiago de Compostela).
Ademais, poderán consultalo na páxina web da Consellería de Medio Ambiente e Ordenación do Territorio (http://www.cmati.xunta.es/ >>medio ambiente e sostibilidade >>prevención e control de actividades>>autorización ambiental integrada >>proxectos en información pública).
Santiago de Compostela, 8 de xuño de 2016
Justo de Benito Basanta
Secretario xeral de Calidade e Avaliación Ambiental
ANEXO
Memoria resumo
Nº de expediente: 2015-IPPC-M-77.
Peticionaria: Extrusionados Galicia, S.A.
Domicilio social e localización da instalación: Rúa Nova, s/n, Campaña, 36645 Valga (Pontevedra).
Descrición da modificación:
A modificación prevista consiste basicamente no seguinte:
– Cambio dun punto de emisión por traslado do proceso «acabamento madeira».
– Incorporación dunha prensa de 2.200 t.
– Cambio do uso dos recipientes fixos de almacenamento de produtos químicos.
– Cambio do uso do tanque de cromatizados.
– Cambio do uso da nave de lodos.
– Ampliación do almacén de matrizaría.
– Incorporación dunha nova liña de anodizado.