De conformidade co disposto nos artigos 59.5 e 61 da Lei 30/1992, do 26 de novembro (BOE núm. 285, do 27 de novembro), modificada pola Lei 15/2014, do 16 de setembro (BOE núm. 226, do 17 de setembro), de réxime xurídico das administracións públicas e do procedemento administrativo común, notifícase a Marcos Cubeiro Carro, con último domicilio coñecido en r/ Xeneral Porlier, 1, 2º D, de Arteixo, A Coruña, na súa condición de propietario da embarcación acreditada por escritura pública notarial de venda outorgada o 13 de decembro de 2013, o acordo do presidente de Portos de Galicia do 3 de maio de 2015, que inicia o procedemento para a declaración de abandono do barco Faxán, atracado no pantalán 04 do porto da Pobra do Caramiñal, por non ser posible a notificación a través do servizo de Correos.

Así mesmo, este anuncio publicarase no Diario Oficial de Galicia, ben que, a eficacia do acto notificado quedará supeditada á súa publicación no BOE.

O acordo emítese, por atoparse a embarcación atracada sen actividade ningunha desde hai dous anos, en estado de abandono e sen aboar taxas e con perigo de afundimento, conforme o establecido nos artigos 302 e 304 do Real decreto lexislativo 2/2011, do 5 de setembro, que aproba o texto refundido da Lei de portos do Estado e da mariña mercante.

O órgano competente para a resolución deste procedemento é o presidente de Portos de Galicia, en virtude das competencias conferidas polo artigo 6.3, alíneas a) e l), da Lei 5/1994, do 29 de novembro, de creación de Portos de Galicia.

A instrución do procedemento recae en Jesús Javier Fernández Barro, xefe da División Xurídica de Portos de Galicia, sendo o seu réxime de recusación o consignado no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común.

Outórgase ao propietario da embarcación un prazo máximo de 15 días para formular alegacións.

Igualmente, outórgase ao propietario un prazo máximo de 10 días para que proceda a varar a embarcación; en caso de incumprimento desta medida, Portos de Galicia procederá a executar a varada e o traslado do barco a un punto que será debidamente notificado, de maneira subsidiaria e á custa do propietario, ao cal se lle pasarán o custos oportunos.

Por razóns de urxencia, mesmo antes de finalizar o prazo fixado no anterior parágrafo, Portos de Galicia poderá efectuar a varada da embarcación á custa do propietario.

Advírtese finalmente que, de acordo coa normativa máis arriba citada, chegado o termo de declarar o buque abandonado, todos os custos de tramitación ou que xeren as actuacións que se realicen sobre a embarcación en función do que resulte do exame sobre o seu estado e peritación serán á custa do propietario.

O expediente completo, para o seu exame e consulta, atópase na sede dos servizos centrais de Portos de Galicia, sitos na praza de Europa, número 5-A, 6º de Santiago de Compostela.

Santiago de Compostela, 25 de maio de 2016

José Juan Durán Hermida
Presidente de Portos de Galicia