O Pleno da Deputación Provincial de Pontevedra, na sesión ordinaria celebrada o 29 de abril de 2016, acordou aceptar, de conformidade co previsto no artigo 7.2 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, a delegación que realizou o Concello da Estrada, por acordo do Pleno municipal do 3 de marzo de 2016, das facultades de recadación en vía executiva dos ingresos de dereito público que se atopen pendentes de cobramento na tesouraría do concello.

A citada delegación realizaraa a Deputación Provincial de Pontevedra a través dos seus servizos tributarios.

Faise público este acordo para xeral coñecemento.

Pontevedra, 6 de maio de 2016