A Dirección Xeral da Función Pública recibiu do Xulgado do Contencioso-Administrativo número 1 de Lugo providencia pola que se admite a trámite o recurso contencioso-administrativo P.A. 138/2016, interposto por María del Pilar Carpente Leira, contra o Acordo da Comisión Permanente Central do 20 de xaneiro de 2016, polo que se desestimou a súa reclamación en relación coa selección de persoal interino para o Programa de activación para o emprego que tivo lugar o día 1 de decembro de 2015.
En consecuencia, esta dirección xeral acordou nesta data, e de conformidade co disposto no artigo 49 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo ao referido xulgado. O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte nos autos do Xulgado Contencioso-Administrativo número 1 de Lugo no prazo de cinco días, contados desde o seguinte ao da publicación desta resolución no Diario Oficial de Galicia.
Santiago de Compostela, 13 de maio de 2016
José María Barreiro Díaz
Director xeral da Función Pública