Formulada e rendida a conta xeral do orzamento da Mancomunidade de Concellos Galegos do Camiño Francés correspondente ao exercicio de 2015, integrada polas contas e estados a que fai referencia o artigo 209 do Real decreto lexislativo 2/2004, do 5 de marzo, polo que se aproba o texto refundido da Lei reguladora das facendas locais, e recibido informe favorable da Comisión Especial de Contas en sesión do 6 de maio de 2016, exponse ao público cos documentos que a xustifican, na secretaría desta mancomunidade, polo prazo de quince días hábiles contados a partir do seguinte ao da publicación deste anuncio no DOG, co obxecto de que os interesados lexítimos poidan examinala e formular por escrito os reparos e as observacións que se consideren oportunos durante o dito prazo de exposición e os oito días seguintes. Todo iso de conformidade co disposto no artigo 212 do citado texto legal e demais disposicións concordantes.

O Pino, 9 de maio de 2016

Manuel Taboada Vigo
Presidente