Con data do 9 de febreiro de 2016, a Secretaría Xeral de Traballo da Consellería de Economía, Emprego e Industria ditou resolución pola que se acorda a procedencia de reintegro de axudas concedidas a Biba Diferente, S.L., con números de expedientes TR340E 2011/32 e TR340E 2011/35.
Intentada a notificación deste acordo segundo o disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE nº 285, do 27 de novembro), modificada pola Lei 4/1999, do 13 de xaneiro (BOE do 14 de xaneiro), e non sendo posible a súa práctica, por medio desta cédula, e segundo o disposto no número 5 do referido artigo e o establecido no artigo 61 do mesmo texto legal, notifícase á persoa interesada o contido da resolución que figura como anexo para que poida ter coñecemento dela.
De conformidade co previsto no artigo 33 da Lei 9/2007, do 13 de xuño, de subvencións de Galicia, concédeselle á persoa interesada un prazo de dez días hábiles, que comezará a contar a partir do día seguinte ao da publicación desta cédula no Boletín Oficial del Estado, para que poida formular as alegacións e presentar a documentación que xulgue pertinente ante esta secretaría xeral.
Lembráselle tamén o seu dereito a consultar o expediente, depositado nas dependencias desta secretaría xeral, sitas na rúa de San Lázaro, s/n, en Santiago de Compostela, e a obter, se é o caso, copia deste acordo, segundo o previsto na letra a) do artigo 35 da Lei 30/1992, do 26 de novembro.
Santiago de Compostela, 12 de maio de 2016
Covadonga Toca Carús
Secretaria xeral de Emprego
ANEXO
Nº de expedientes: TR340E 2011/32 e TR340E 2011/35.
Beneficiaria: Biba Diferente, S.L.
NIF: B70299516.
Último enderezo coñecido: r/ Federico Tapia, 41-5º esquerda,15005 (A Coruña).
Procedemento: axudas e subvencións ás empresas cualificadas como iniciativas de emprego de base tecnolóxica (IEBT): axudas para a creación de emprego estable (TR340E/32) e axudas para o inicio e posta en marcha da actividade.
Datas das resolucións de concesión: 14.10.2011.
Feito imputado: non manter no seu cadro de persoal as persoas traballadoras contratadas durante un período mínimo de tres anos.
Precepto infrinxido: número 2 do artigo 20 da Orde do 18 de marzo de 2011 pola que se establecen as bases reguladoras do programa de axudas e subvencións ás empresas cualificadas como iniciativas de emprego de base tecnolóxica (IEBT), cofinanciado polo Fondo Social Europeo, e se procede á súa convocatoria para o ano 2011 (DOG nº 63, do 30 de marzo).
Contía da subvención percibida para inicio e posta en marcha da actividade: 5.754,99 euros.
Contía da subvención percibida para creación directa de emprego estable: 12.000 euros.
Contido da resolución: acordo de inicio de procedemento de reintegro da axuda.