Para os efectos de darlle cumprimento ao solicitado polo Xulgado do Contencioso-Administrativo número 1 de Pontevedra, en relación co procedemento ordinario 82/2016, interposto por Francisco Martínez Duarte, contra a Resolución do 22 de xaneiro de 2016, ditada pola Axencia de Protección da Legalidade Urbanística no expediente de reposición da legalidade urbanística PON/36/2015, pola que declara ilegalizables as obras de construción dunha edificación cunha planta de altura, con forxado unidireccional de viguetas e bovedillas de formigón apoiadas en pórticos de formigón armado, no lugar das Ribocias, 30, San Clemente de Cesar, concello de Caldas de Reis, esta dirección resolveu ordenar a remisión do correspondente expediente ao Xulgado do Contencioso-Administrativo número 1 de Pontevedra.

Ao non poder realizarse a notificación persoal dos emprazamentos, mediante esta cédula (que, ao abeiro do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), se lle notifica por medio dun anuncio publicado no Boletín Oficial del Estado) emprázase a Carmen Casal Riveiro para que poida comparecer como interesada nos autos no prazo de nove (9) días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 12 de maio de 2016

José Antonio Cerdeira Pérez
Director da Axencia de Protección da Legalidade Urbanística