Examinada a solicitude de conciliación formulada polos representantes dos MVMC de Espiño, Montes de Videferre e Montes de Bousés, resultan os seguintes
Feitos:
Primeiro. Con data do 3 de xullo de 2015 as comunidades propietarias dos MVMC de Espiño, Montes de Videferre e Montes de Bousés presentaron documentación relativa ao acto de deslindamento levado a cabo entre elas.
Segundo. Con data do 19 de febreiro de 2016 o Servizo de Montes emitiu informe favorable ao deslindamento proposto, de acordo co artigo 53 da Lei 7/2012, de 28 de xuño, de montes de Galicia, recomendando unha revisión do esbozo para definir mellor as estremas.
Os puntos acordados entre as comunidades lindeiras son os seguintes:
CMVMC de Espiño coa CMVMC de Videferre: 7, 11, 12, 13, 14, 15, 16, 17, 18.
CMVMC de Espiño coa CMVMC de Bousés: 1, 2, 3, 4, 5, 6, 7.
CMVMC de Videferre coa CMVMC de Bousés: 7, 8, 9, 10.
A correspondencia entre o número do punto, coordenadas xeográficas e nome con que os veciños os recoñeceron correspóndese coa seguinte táboa:
Nº punto |
Coordenada X |
Coordenada Y |
Nome do punto |
1 |
620516.84 |
4636162.5 |
A Regata da Pipota |
2 |
620432.47 |
4635663.35 |
Outeiro Grande |
3 |
620343.59 |
4635272.69 |
Mourán |
4 |
620308.73 |
4634649.31 |
Outeiro dos Pozos |
5 |
620171.51 |
4634328.11 |
Outeiro dos Pasadoiros |
6 |
619888.4 |
4633899.4 |
As Torganas |
7 |
619480.67 |
4633550.36 |
Loureiro |
8 |
619406.57 |
4633358.49 |
O Cagatorio |
9 |
619751.06 |
4632834.83 |
Alto das Lampaceiras |
10 |
620315.89 |
4632340.91 |
Marco internacional 206 |
11 |
619398.27 |
4633556.75 |
Loureiro |
12 |
619082.57 |
4633969.32 |
O Marco |
13 |
618615.31 |
4634481.42 |
Outeiro da Cruz de Pedra |
14 |
618489.76 |
4634796.64 |
A Falgueira |
15 |
618419.83 |
4635091.4 |
A Vermella |
16 |
618294.79 |
4635591.1 |
A Bandeira |
17 |
618329.77 |
4635966.74 |
A Corte dos Cabalos |
18 |
618664.7 |
4637196.76 |
Pena das Cruces |
Estes acordos foron aprobados nas distintas asembleas das respectivas comunidades e posteriormente ante o Xulgado de Paz de Oímbra.
Consideracións legais e técnicas:
Primeiro. A presente resolución dítase o abeiro do artigo 53 do Regulamento para a execución da Lei 13/1989, do 10 de outubro, de montes veciñais en man común, aprobado polo Decreto 260/1992, de 4 de setembro, e de conformidade co disposto na Lei 30/1992, do 26 de novembro, de réxime xurídico das administracións públicas e do procedemento administrativo común.
Segundo. O artigo 53 da Lei 7/2012, do 28 de xuño, de montes de Galicia, recolle o procedemento a seguir no deslindamento entre montes veciñais en man común e establece que o xurado provincial de montes veciñais en man común, logo do exame da documentación presentada, ditara resolución que será publicada no Diario Oficial de Galicia e notificada ás comunidades interesadas.
De acordo cos feitos e fundamentos de dereito expostos, o Xurado Provincial en man común, de acordo co informe favorable do Servizo de Montes de data 19 de febreiro de 2016, acordou por unanimidade o día 16 de marzo de 2016:
Aprobar o acto de conciliación acadado entre as comunidades propietarias dos MVCM de Espiño, Montes de Videferre e Montes de Bousés, do concello de Oímbra, de acordo co exposto no feito segundo.
Contra esta resolución, que pon fin a vía administrativa, poderase interpoñer recurso potestativo de reposición ante o Xurado Provincial de Clasificación de Montes Veciñais en Man Común de Ourense no plazo dun mes, ou ben directamente recurso contencioso-administrativo perante o Xulgado do Contencioso-Administrativo de Ourense, no prazo de dous meses contados desde o día seguinte ao desta resolución, de acordo co disposto no artigo 12 da Lei 13/1989, nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e nos artigos 8 e 46 da Lei 29/1998, do 13 de xullo, reguladora da xurisdicción contencioso-administrativa.
Ourense, 5 de maio de 2016
Yago Borrajo Sánchez
Presidente do Xurado Provincial de Clasificación de Montes Veciñais
en Man Común de Ourense