A Consellería de Economía, Emprego e Industria recibiu da Sala do Contencioso-Administrativo do Tribunal Superior de Xustiza de Galicia (sección 3ª) oficio en que se comunica a interposición do recurso contencioso-administrativo, procedemento ordinario 7107/2016, por Manuel Castro Moldes contra o Decreto 191/2015, do 23 de decembro, polo que se crea a Cámara Oficial de Comercio, Industria, Servizos e Navegación de Pontevedra, Vigo e Vilagarcía de Arousa.

En consecuencia, esta secretaría xeral técnica acorda, de conformidade co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa, a remisión do correspondente expediente administrativo á referida sala, o que se notifica para xeral coñecemento de todas as persoas interesadas no procedemento e son emprazadas para que poidan comparecer como parte nos autos na Sala do Contencioso-Administrativo do Tribunal Superior de Xustiza de Galicia no prazo de nove (9) días, contados desde o seguinte ao da publicación desta resolución no Diario Oficial de Galicia.

Santiago de Compostela, 4 de maio de 2016

Borja Verea Fraiz
Secretario xeral técnico da Consellería de Economía, Emprego e Industria