De conformidade co artigo 48 da Lei 21/2013, do 9 de decembro, de avaliación ambiental, o órgano substantivo dará publicidade da decisión de autorización ou denegación do proxecto.
Polo antedito, a Secretaría Xeral de Calidade e Avaliación Ambiental dá publicidade da:
– Denegación do outorgamento da autorización ambiental integrada.
– Declaración de impacto ambiental.
Para o proxecto promovido por Reciclaxe Ambiental Lesta para a instalación dunha planta de residuos de construción e demolición e un vertedoiro de residuos non perigosos no lugar de Portobrea en Ordes (A Coruña), clave do expediente 2011-IPPC-I-66.
A declaración foi incorporada ao citado expediente e pódese consultar na seguinte ligazón: http://www.cmati.xunta.es/busca-de-expedientes-da-autorizacion-ambiental-integrada e nas dependencias da Secretaría Xeral de Calidade e Avaliación Ambiental, en Santiago de Compostela (San Lázaro, s/n, 2º andar).
Santiago de Compostela, 14 de marzo de 2016
Justo de Benito Basanta
Secretario xeral de Calidade e Avaliación Ambiental