Aprobado inicialmente mediante decreto da Alcaldía nº 20, do 18 de marzo de 2016, o Plan de sectorización para a ampliación do parque empresarial de Vilalba, promovido por Queserías Entrepinares, S.A.U., con CIF A47037296, de iniciativa particular e conforme o establecido no artigo 86 da Lei 9/2002, do 30 de decembro, de ordenación urbanística e protección do medio rural de Galicia, e disposición transitoria segunda da Lei 2/2016, do solo de Galicia, sométese a información pública durante o prazo dun mes contado desde a última publicación do presente anuncio no DOG, no xornal El Progreso ou no xornal La Voz de Galicia.

Simultaneamente, notificarase ás persoas titulares que figuren no catastro.

Durante o período de información pública poderase examinar o expediente, obter copias e presentar as alegacións que se consideren oportunas.

Quedan suspendidas as licenzas en todo o ámbito do territorio obxecto do plan cuxas novas determinacións supoñan a modificación da ordenación urbanística vixente.

Vilalba, 10 de maio de 2016

Gerardo Criado Guizán
Alcalde