O Pleno da Corporación municipal na sesión ordinaria con data do 30 de marzo de 2016, aprobou inicialmente a modificación puntual do Plan xeral de ordenación municipal no ámbito da empresa Lonza na parroquia de Torneiros do Concello do Porriño, acordo que ten o seguinte contido literal:

«1º) Aprobar inicialmente a modificación puntual do PXOM no ámbito da empresa Lonza na parroquia de Torneiros.

2º) Someter o expediente a información pública por un prazo de dous meses mediante publicación no Diario Oficial de Galicia, 2 periódicos de maior difusión da provincia e no taboleiro de edictos do concello.

3º) Solicitar informe sectorial aos seguintes órganos administrativos:

– Servicio de Protección da Paixase dependente do Instituto de Estudios do Territorio.

– Dirección Xeral do Patrimonio Cultural.

4º) Suspender o otorgamento de licenzas de parcelación, edificación e derribo nos ámbitos da modificación puntual que poidan ser incompatibles coa ordenación urbanística obxecto de aprobación».

O que se fai público para o xeral coñecemento para que os interesados presenten as alegacións, reclamacións e suxestións que estimen convenientes, en cumprimento do estipulado pola lexislación vixente, polo que se somete o expediente a información publica por un prazo de dous meses mediante publicación no Diario Oficial de Galicia e taboleiro de edictos e páxina web do concello para os efectos de que polos interesados se presenten as reclamacións e suxerencias que se estimen por convenientes.

O Porriño, 11 de abril de 2016

Eva García de la Torre
Alcaldesa