No Xulgado do Contencioso-Administrativo número 2 de Vigo tramítase o recurso 573/2015 (procedemento abreviado), interposto por David Pose García contra a Resolución da Dirección Xeral de Recursos Humanos do Servizo Galego de Saúde, do 18 de setembro de 2015, pola que se resolve que o demandante con categoría de orixe de cociñeiro, e de acordo co establecido na Orde da Consellería de Sanidade, do 23 de xullo de 2015, pola que se aproba o Plan de ordenación de recursos humanos de determinados servizos non clínicos da Estrutura Organizativa de Xestión Integrada de Vigo (DOG núm. 139, do 24 de xullo), se reclasifica na categoría estatutaria de grupo administrativo da función administrativa.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado, como codemandadas, no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 13 de abril de 2016

Margarita Prado Vaamonde
Directora xeral de Recursos Humanos