O 23.7.2012 esta dirección xeral ditou resolución pola que se outorgou a Gas Galicia SDG, S.A. a autorización administrativa para a distribución de gas natural canalizado no termo municipal da Guarda (Pontevedra), que se publicou no Diario Oficial de Galicia (10.10.2012) e no Boletín Oficial da provincia (1.10.2012). Esta autorización administrativa foi revogada pola Resolución do 21 de xaneiro de 2016 desta dirección xeral, debido ao incumprimento de Gas Galicia SDG, S.A. da súa obriga de presentar o correspondente proxecto de execución das instalacións para a súa aprobación.
O 25.2.2016 a empresa Gas Galicia SDG, S.A. solicitou novamente a devandita autorización administrativa e, posteriormente, o 4.3.2016 a empresa Primagás Energía Distribución, S.A.U. tamén solicitou a mesma autorización administrativa.
A respecto destas dúas solicitudes, e de conformidade co disposto nos artigos 4 e 5 do Decreto 62/2010, do 15 de abril, polo que se regulan o trámite de competencia e os criterios de valoración no suposto de concorrencia de dúas ou máis solicitudes de autorización administrativa de instalacións de transporte secundario e distribución de gas natural e redes de distribución de gases licuados do petróleo (GLP), a segunda solicitude considérase en concorrencia coa primeira e esta, cuxos datos se reflicten no cadro seguinte, inicia o correspondente trámite de competencia.
Datos da solicitude |
|
Data da solicitude |
25 de febreiro de 2016 |
Empresa solicitante |
Gas Galicia SDG, S.A. |
Contido da solicitude |
Autorización administrativa previa e aprobación do proxecto de execución |
Tipo de instalación |
Rede de distribución de gas natural alimentada desde unha planta de GNL |
Denominación do proxecto |
Proxecto de autorización administrativa e execución de instalacións para módulo de regasificación e rede de distribución de gas natural para dar subministración ao termo municipal da Guarda (Pontevedra) |
Núcleo de poboación da rede |
A Guarda (Pontevedra) |
Ábrese un prazo de 30 días, contados desde o día seguinte ao da publicación desta resolución no Diario Oficial de Galicia, para que:
• Outras empresas distribuidoras de gas natural poidan presentar solicitudes en concorrencia con estas dúas solicitudes de Gas Galicia SDG, S.A. e Primagás Energía Distribución, S.A.U.
• As empresas Gas Galicia SDG, S.A. e Primagás Energía Distribución, S.A.U. poidan completar, se o consideran oportuno, as súas solicitudes.
O trámite de competencia resolverase a favor da empresa concorrente cuxo proxecto obteña a maior puntuación, tras a súa valoración de acordo cos criterios establecidos no artigo 8 do Decreto 62/2010, do 15 de abril.
Santiago de Compostela, 29 de marzo de 2016
Ángel Bernardo Tahoces
Director xeral de Enerxía e Minas