A Lei 1/2016, do 18 de xaneiro, de transparencia e bo goberno, crea no artigo 33.1, a Comisión de Transparencia como órgano colexiado independente adscrito ao Valedor do Pobo. A este órgano correspóndelle a resolución das reclamacións fronte ás resolucións en materia de acceso á información pública que establece o artigo 28 desta lei.
O artigo 33.2 da Lei 1/2016, do 18 de xaneiro, de transparencia e bo goberno, determina a composición da citada comisión, recolle expresamente quen desempeña a Presidencia e a Vicepresidencia, e establece que as vogalías corresponderán a una persoa que represente os seguintes órganos, organismos e federación:
– Comisión Interdepartamental de Información e Avaliación da Xunta de Galicia.
– Consello Consultivo de Galicia.
– Consello de Contas.
– Federación Galega de Municipios e Provincias.
O procedemento de nomeamento dos vogais está suxeito ao disposto na Lei 30/1992, do 26 de novembro, de réxime xurídico das administracións públicas e do procedemento administrativo común, no seu capítulo II do título II, relativo aos órganos colexiados.
A Presidencia corresponde por lei ao titular da institución do Valedor do Pobo. A persoa adxunta ao Valedor do Pobo substituirá a presidenta cando sexa preciso por calquera causa. Será suplente do adxunto a persoa que desempeñe a Secretaría Xeral da Institución do Valedor do Pobo.
Unha vez recibidas todas as propostas, respectando o principio de presenza equilibrada de mulleres e homes, procede acordar:
Nomear como vogais integrantes da Comisión de Transparencia:
– Pola Comisión Interdepartamental de Información e Avaliación da Xunta de Galicia:
Titular: Natalia Prieto Viso.
Suplente: Javier Enrique Fraga Campo.
– Polo Consello Consultivo de Galicia.
Titular: Ana María López Guizán.
Suplente: María José Quintana Acebo.
– Polo Consello de Contas.
Titular: Isabel Torralba Mena.
Suplente: Antonio Alonso Rodríguez.
– Pola Federación Galega de Municipios e Provincias:
Titular: Eduardo Ramande Rodríguez.
Suplente: Andrés Núñez González.
Os membros nomeados tomarán posesión dos seus cargos, ante a valedora do pobo, na primeira convocatoria da comisión que se declarará constituída e entrará no exercicio das súas funcións.
Santiago de Compostela, 15 de abril de 2016
Milagros María Otero Parga
Valedora do pobo