Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 77 Venres, 22 de abril de 2016 Páx. 14979

III. Outras disposicións

Consellería de Infraestruturas e Vivenda

RESOLUCIÓN do 12 de abril de 2016, da Secretaría Xeral Técnica da Consellería de Infraestruturas e Vivenda, pola que se dá publicidade a unha encomenda de xestión de carácter técnico ao Instituto Galego da Vivenda e Solo, para a elaboración do prego de prescricións técnicas e a determinación dos criterios que se utilizarán para a valoración dos proxectos que se presenten no expediente de contratación do concurso de ideas con intervención de xurado para a transformación da actual estación de autobuses de Santiago de Compostela en edificio administrativo.

De conformidade cos artigos 8.4 e 9.3 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade á encomenda de xestión ao Instituto Galego da Vivenda e Solo para a elaboración do prego de prescricións técnicas e a determinación dos criterios que se utilizarán para a valoración dos proxectos que se presenten no expediente de contratación do concurso de ideas con intervención de xurado para a transformación da actual estación de autobuses de Santiago de Compostela en edificio administrativo, que ten as seguintes características:

– Actividade a que se refire: o Instituto Galego da Vivenda e Solo realizará o traballo consistente na elaboración do prego de prescricións técnicas e a determinación dos criterios que se utilizarán para a valoración dos proxectos que se presenten no expediente de contratación do concurso de ideas con intervención de xurado para a transformación da actual estación de autobuses de Santiago de Compostela en edificio administrativo.

– Natureza e alcance da xestión encomendada: esta encomenda ten natureza intersubxectiva ao realizarse entre órganos (Consellería de Infraestruturas e Vivenda e Instituto Galego da Vivenda e Solo) dotados de personalidade xurídica propia e ser o Instituto Galego da Vivenda e Solo medio propio e servizo técnico da Administración xeral da Comunidade Autónoma de Galicia e dos poderes adxudicadores dependentes dela.

– Prazo de vixencia: desde a súa sinatura, que tivo lugar o 30 de marzo de 2016, ata o 30 de decembro de 2016.

– Supostos nos que proceda a finalización anticipada da encomenda: incumprimento total ou parcial dalgunha das partes ou mutuo acordo.

Santiago de Compostela, 12 de abril de 2016

Joaquín Macho Canales
Secretario xeral técnico da Consellería de Infraestruturas e Vivenda