De conformidade co disposto nos artigos 59.5 y 61 da Lei 30/1992, do 26 de novembro, modificada pola Lei 15/2014, do 26 de setembro, de racionalización do sector público e outras medidas de reforma administrativa, esta notificación ten que ser feita no BOE, e será a data de publicación neste a que determine a eficacia do acto notificado.
Logo de ser intentada sen éxito a notificación a Esmader Galicia (NIF *****9623) nos intentos practicados no seu enderezo, comunicámoslle que o 29 de febreiro de 2016 a directora do Fogga ditou o trámite de audiencia previa á solicitude de execución de aval á devandita empresa que se transcribe a seguir:
«Esmader Galicia, S.L., con CIF *****9623, constituíu un aval en virtude do disposto no artigo 15.2.b) do Regulamento (CE) nº 1227/2000 da Comisión, do 31 de maio de 2000, que foi inscrito no Rexistro Especial de Avais da Consellería de Economía e Facenda, Delegación de Lugo, co nº 1620/2008, para responder da obriga de garantir o pagamento parcial da subvención aprobada no expediente D07-31210-0285.
Unha vez superado o prazo para o ingreso voluntario, e antes de proceder á execución do aval, de acordo coa Orde do 7 de xaneiro de 2000 pola que se desenvolve o Real decreto 161/1997, do 7 de febreiro, polo que se aproba o Regulamento da caixa xeral de depósitos, tanto o avalista coma o avalado disporán dun trámite de audiencia de dez (10) días para presentaren alegacións, así como os documentos e xustificacións que achen pertinentes, de acordo co disposto no artigo 84 da Lei 30/1992, do 26 de novembro, de réxime xurídico das administracións públicas e do procedemento administrativo común».
O interesado poderá comparecer no prazo de dez (10) días hábiles contados desde o seguinte ao da publicación deste anuncio nas oficinas do Fondo Galego de Garantía Agraria, situadas na rúa dos Irmandiños, s/n, Salgueiriños, en Santiago de Compostela, das 9.00 ás 14.00 horas, de luns a venres, para o coñecemento íntegro da mencionada audiencia previa á solicitude de execución de aval.
Santiago de Compostela, 10 de marzo de 2016
Belén María do Campo Piñeiro
Directora do Fondo Galego de Garantía Agraria