No perfil do contratante publícanse íntegros os pregos de condicións para a contratación, mediante procedemento aberto, para o aluguer da vivenda unifamiliar nº 4 (rehabilitada con cargo ao proxecto «Estacións», financiada con fondos Feder da UE) no contorno da estación de FF.CC. de Vilavella, termo municipal da Mezquita, cunha renda de 150 € mensuais (impostos incluídos). As proposicións presentaranse ata as 14.00 horas do décimo quinto (15º) día natural contado desde o seguinte ao da publicación do anuncio de licitación no DOG. A apertura de proposicións terá lugar de conformidade co disposto na cláusula XI do prego de condicións. A documentación necesaria e demais datos figuran no mencionado prego de condicións, que será facilitado gratuitamente aos que o soliciten, no rexistro do Inorde, rúa do Progreso, nº 28, ou por teléfono: 988 31 79 30 e fax: 988 31 79 32, ou na páxina web do Inorde www.inorde.es.

Sen prexuízo de calquera outro recurso que se considere procedente, o prego de condicións, os anuncios de licitación e os demais documentos contractuais que establezan as condicións que teñan de rexer a licitación serán susceptibles de recurso de alzada ante a Presidencia da Deputación no prazo dun mes e, alternativamente, de recurso contencioso-administrativo ante o xulgado do contencioso-administrativo de Ourense no prazo de dous meses, contados ambos prazos desde o día seguinte ao da publicación dos anuncios de licitación ou, de ser o caso, da última publicación (se non foren simultáneos).

Ourense, 15 de febreiro de 2016

Rosendo Luis Fernández Fernández
Presidente do Instituto Ourensán de Desenvolvemento Económico