O centro privado (CPR) Cemar, do concello de Mondariz-Balneario, solicita autorización para impartir o ciclo formativo de grao medio (CM) Condución de Actividades Físico-Deportivas, o ciclo formativo de grao superior (CS) Animación Sociocultural, o CS Desenvolvemento de Aplicacións Web, o CS Educación Infantil e o CS Márketing e Publicidade.
Logo da tramitación do expediente, de acordo co establecido no Decreto 133/1995, do 10 de maio, de autorización de centros docentes privados para impartir ensinanzas de réxime xeral non universitarias, e coa Orde do 20 de setembro de 1995 que o desenvolve, por proposta da Dirección Xeral de Centros e Recursos Humanos,
DISPOÑO:
Primeiro. Autorizar o CM Condución de Actividades Físico-Deportivas, o CS Animación Sociocultural, o CS Desenvolvemento de Aplicacións Web, o CS Educación Infantil e o CS Márketing e Publicidade, no centro privado que se detalla:
Denominación xenérica: centro privado (CPR).
Denominación específica: Cemar.
Código: 36019724.
Domicilio: estrada xeral Ponteareas-Mondariz km 7.
Localidade: Mondariz-Balneario.
Concello: Mondariz-Balneario.
Código postal: 36890.
Provincia: Pontevedra.
Titular: Jesús Fernando Marcote Vilar.
Composición resultante:
– 3 unidades do segundo ciclo de educación infantil.
– 6 unidades de educación primaria.
– 4 unidades de educación secundaria obrigatoria.
– 4 unidades de bacharelato, das modalidades de:
a) Ciencias
b) Humanidades e Ciencias Sociais.
– CM Condución de Actividades Físico-Deportivas no Medio Natural (1 unidade para 20 alumnos/as).
– CS Animación de Actividades Físicas e Deportivas (2 unidades para 20 alumnos/as cada unha).
– CS Animación Sociocultural (2 unidades para 20 alumnos/as cada unha).
– CS Desenvolvemento de Aplicacións Web (2 unidades para 20 alumnos/as cada unha).
– CS Educación Infantil (2 unidades para 20 alumnos/as cada unha).
– CS Márketing e Publicidade (2 unidades para 20 alumnos/as cada unha).
Segundo. Para a posta en funcionamento das novas ensinanzas que se autorizan, a Xefatura Territorial da Consellería de Educación e Ordenación Universitaria de Pontevedra, logo do informe do Servizo Territorial de Inspección Educativa, aprobará expresamente a relación de persoal que impartirá docencia no dito centro, así como o equipamento adecuado.
Terceiro. Esta orde dará lugar á correspondente inscrición no Rexistro de Centros da Consellería de Cultura, Educación e Ordenación Universitaria.
Cuarto. O centro queda obrigado ao cumprimento da normativa vixente e a solicitar a oportuna revisión cando teña que modificarse calquera dos datos que sinala a presente orde.
Contra esta orde, que esgota a vía administrativa, as persoas interesadas poderán formular recurso potestativo de reposición ante esta consellería, no prazo de un mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, directamente, o recurso contencioso-administrativo no prazo de dous meses desde a mesma data, ante a Sala do Contencioso-Administrativo do Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 7 de marzo de 2016
Román Rodríguez González
Conselleiro de Cultura, Educación e Ordenación Universitaria
