Xuízo verbal (réxime de visita avós) 146/2015
Sobre: outras materias
Demandante: Victoria Veiga Álvarez
Procurador: Antonio Álvarez Blanco
Demandada: Marta Colmenero Pascual
Ramón Martín Martín, secretario xudicial do Xulgado de Primeira Instancia e Instrución número 2 de Verín,
Fai saber:
Que neste órgano xudicial se seguen autos de xuízo verbal (visitas avós) número 146/2015, seguidos a instancia de Victoria Veiga Álvarez fronte a Marta Colmenero Pascual, e que en resolución de data 3 de marzo de 2016 se ditou a seguinte:
«Sentenza 17/2016
Vistos por Mónica Fernández Salgado, xuíza do Xulgado de Primeira Instancia e Instrución número 2 de Verín, os presentes autos de réxime de visitas 146/2015, seguidos a instancia de Victoria Veiga Álvarez, representada polo procurador Antonio Álvarez Blanco e defendida pola letrada Rocío del Alba Castro Prieto, contra Marta Colmenero Pascual, en situación de rebeldía procesual, sendo parte o Ministerio Fiscal, veño resolver en base aos seguintes (seguen antecedentes de feito e fundamentos de dereito):
Fallo:
Estímase a demanda formulada polo procurador Antonio Álvarez Blanco, en nome e representación de Victoria Veiga Álvarez, e en consecuencia recoñécese o dereito da actora a relacionarse coas súas netas Leticia e Nayara Montouto Colmenero.
Vitoria Veiga Álvarez poderá gozar da compañía das súas netas Leticia e Nayara Montouto Colmenero, na falta de acordo, o mesmo fin de semana que corresponde a visita do menor André Montouto Colmenero, é dicir, o primeiro fin de semana de cada mes desde o venres pola tarde ata o domingo pola tarde.
Non se fai imposición de custas.
Lévese testemuño desta resolución aos autos principais, e déixese o orixinal no libro correspondente.
Contra a presente sentenza cabe interpor recurso de apelación ante este xulgado para ante a Audiencia Provincial de Ourense dentro do prazo de vinte días seguintes á súa notificación.
Así, por esta a miña sentenza, pronúncioo, mándoo e asínoo».
E para que conste e lle sirva de notificación a Marta Colmenero Pascual, en ignorado paradoiro, expido e asino o presente.
Verín, 3 de marzo de 2016
O secretario xudicial
