Para os efectos previstos no artigo 36 da Lei 21/2013, do 9 de decembro (BOE núm. 296, do 11 de decembro), de avaliación ambiental, e así mesmo no artigo 21 da Lei 3/2008, do 23 de maio, de ordenación da minaría de Galicia (DOG núm. 109, do 6 de xuño), esta xefatura territorial

RESOLVE:

Someter a información pública, durante un prazo de trinta (30) días hábiles, o proxecto de explotación, o estudo de impacto ambiental e o plan de restauración da solicitude de explotación de recursos da sección A) que a seguir se describe:

Solicitante: Áridos F. Dacal, S.L.

Domicilio social: lugar A Forxa nº 15, 32643 Porqueira (Ourense).

Número: 5259.

Nome: As Millaras.

Recurso: area.

Data da solicitude: 25 de setembro de 2012.

Superficie: 4 cuadrículas mineiras.

Concello: Porqueira (Ourense).

Designación:

Vértice	Lonxitude	Latitude
1	7º 51’ 40”	42º 02’ 20”
2	7º 51’ 00”	42º 02’ 20”
3	7º 51’ 00”	42º 01’ 40”
4	7º 51’ 40”	42º 01’ 40”

Aquelas persoas ou entidades que se consideren afectadas polo citado proxecto poderán consultalo durante o prazo indicado nas dependencias do Servizo de Enerxía e Minas desta xefatura territorial e no Concello de Porqueira e formular as súas alegacións ante este órgano administrativo, con enderezo en Curros Enríquez nº 1-4º, 32003 Ourense, presentándoas en calquera das oficinas previstas no artigo 38.4 da Lei 30/1992, do 26 de novembro, de réxime xurídico das administracións públicas e do procedemento administrativo común.

Unha vez transcorrido o período de información pública proseguirase coa tramitación da avaliación de impacto ambiental ordinaria prevista na Lei 21/2013, do 9 de decembro, á cal está sometido o presente proxecto, cuxa autorización administrativa compete, como órgano substantivo, á Consellería de Economía, Emprego e Industria ao abeiro do establecido na Lei 3/2008, do 23 de maio.

Ourense, 13 de outubro de 2015

Alfonso Tomás Paz Doniz
Xefe territorial de Ourense