En cumprimento do disposto no artigo 4.2 do Decreto 406/2009, do 22 de outubro, polo que se crea o Rexistro de Asociacións Profesionais de Traballadores Autónomos da Comunidade Autónoma de Galicia, faise público que no Servizo do Emprego Autónomo da Secretaría Xeral de Emprego están depositados os estatutos da Asociación de Empresarias de Galicia, da cal se fan as seguintes indicacións:
Ámbito territorial: Comunidade Autónoma de Galicia.
Especialidade subxectiva e de obxectivos: defender, promover e dignificar as mulleres profesionais e/ou autónomas e promover a igualdade efectiva entre mulleres e homes.
Ámbito funcional: poderán ser integrantes da asociación todas aquelas mulleres emprendedoras e/ou profesionais que estean incluídas no ámbito de aplicación de artigo 1 da Lei 20/2007, do 11 de xullo, do Estatuto do traballo autónomo, dentro do ámbito territorial da Comunidade Autónoma de Galicia.
Asinantes da acta de constitución: Susana Pérez Iglesias, Vanesa Mª Campos Bastos, Mª Mar Ferrero Cuesta, Susana María González e Paula Suárez Gullón.
Santiago de Compostela, 17 de febreiro de 2016
Covadonga Toca Carús
Secretaria xeral de Emprego