Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: travesía de Vigo, 204, 36207 Vigo.

Denominación: LMT BAL702-BAL708 entre apoios nº 49-nº 50.

Situación: Vigo.

Características técnicas: LMT aérea a 15 kV con condutor LA-110 de 439 metros de lonxitude, con orixe no apoio proxectado nº 1 (substitución de PH nº 48 existente) BAL702-BAL708 e final no apoio existente nº 52 BAL702-BAL708. A instalación está situada nos lugares da Calzada e O Río, Coruxo, Vigo.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo avda. Fernández Ladreda, 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 16 de febreiro de 2016

Ignacio Rial Santomé
Xefe territorial de Pontevedra