Xulgado de Primeira Instancia número 3 de Ferrol
Procedemento orixe: xuízo verbal de desafiuzamento 1122/2015
Sobre verbal arrendaticio
Demandante: Sheila Mata Castro
Procuradora: María Amparo Acebedo Conde
Demandada: Beatriz Castro Graña
Eu, María Sol Velando Cainzos, letrada da Administración de Xustiza do Xulgado de Primeira Instancia número 3 de Ferrol, por este edicto
Anuncio:
Neste procedemento 1122/2015, seguido por instancia de Sheila Mata Castro contra Beatriz Castro Graña, ditouse sentenza cuxo teor literal é o seguinte:
«Sentenza:
Ferrol, 3 de febreiro de 2016.
Vistos por Amelia María Pérez Mosteiro, maxistrada xuíza do Xulgado de Primeira Instancia número 3 de Ferrol e o seu partido, os autos do xuízo verbal seguidos perante este xulgado co número 1122/2015, no exercicio dunha acción de desafiuzamento por precario, por instancia de Sheila Mata Castro, representada pola procuradora dos tribunais Sra. Acebedo Conde e asistida pola letrada Sra. Pardo-Ciarraga Barros (quen actuou en substitución do seu compañeiro o letrado Sr. Caminero Lobera), contra Beatriz Castro Graña, declarada en situación procesual de rebeldía.
Resolvo que debo estimar e estimo a demanda presentada pola procuradora dos tribunais Sra. Acebedo Conde, quen actúa en nome e representación de Sheila Mata Castro contra Beatriz Castro Graña, declarada en rebeldía procesual e, en consecuencia, debo declarar e declaro que Beatriz Castro Graña ocupa a vivenda sita na rúa Masaya, bloque 1, portal 1, piso terceiro B, porta dereita, deste municipio de Ferrol, en situación de precario, sen ningún título e sen pagar contraprestación, polo que estimo que procede o desafiuzamento por precario do citado inmoble e condeno a Beatriz Castro Graña a deixar libre e expedita a vivenda sita na rúa Masaya, bloque 1, portal 1, piso terceiro B, porta dereita, deste municipio de Ferrol, e á disposición da parte demandante, baixo apercibimento de lanzamento de non o verificar en prazo legal.
Todo isto con expresa condena en custas á demandada.
Notifíqueselles a sentenza ás partes e fágaselles saber que contra ela cabe interpor recurso de apelación, perante este mesmo xulgado, no prazo de vinte días, contados desde o día seguinte a aquel en que se notifique esta resolución de conformidade co disposto nos artigos 455 e 458 da Lei de axuizamento civil (LAC).
Lévese o orixinal ao libro de sentenzas.
Así, por esta miña sentenza, pronúnciao, mándao e asínao, Amelia María Pérez Mosteiro, maxistrada xuíza do Xulgado de Primeira Instancia número 3 de Ferrol e o seu partido».
Ao encontrarse a dita demandada, Beatriz Castro Graña, en paradoiro descoñecido, expídese este edicto co fin de que lle sirva de notificación en forma.
Ferrol, 10 de febreiro de 2016
A letrada da Administración de xustiza