María Dolores Prieto Rascado, secretaria xudicial do Xulgado de Primeira Instancia número 3 de Ourense, polo presente anuncio:
No presente procedemento xuízo verbal nº 258/2015, seguido por instancia da Comunidad de Propietarios del Edificio Rampa Riestra, nº 16, fronte a Roxanna Geoconda Figueroa Bermúdez, ditouse sentenza cuxo teor literal é o seguinte:
«Sentenza.
Ourense, 4 de xuño de 2015.
Darío-Carpio Estévez Pérez, maxistrado xuíz do Xulgado de Primeira Instancia número 3 de Ourense, ditou a presente no xuízo verbal 258/2015 en reclamación da cantidade de 639,40 euros, no que é parte demandante a Comunidad de Propietarios del Edificio Rampa Riestra, nº 16, de Ourense, a quen asiste a letrada Sra. González, fronte a Roxanna Geoconda Figueroa Bermúdez, a cal non compareceu a xuízo malia ser citada mediante edictos.
Seguen antecedentes de feito.
Seguen fundamentos de dereito.
Decido que, estimando a demanda interposta pola Comunidad de Propietarios del Edificio Rampa Riestra, nº 16, de Ourense, fronte a Roxanna Geoconda Figueroa Bermúdez, e na devandita razón debo condenar e condeno esta última a aboar á demandante a cantidade de 639,40 euros.
En canto a xuros e custas, obsérvese o disposto no último fundamento de dereito.
Notifíquese esta resolución ás partes, facéndolles saber que contra esta non cabe interpoñer recurso de apelación por razón da contía a teor do disposto no artigo 455 da LAC na súa nova redacción.
Así o acordo, mando e asino».
E encontrándose a devandita demandada, Roxanna Geoconda Figueroa Bermúdez, en paradoiro descoñecido, expídese o presente edicto co fin de que sirva de notificación en forma a esta.
Ourense, 1 de setembro de 2015
A secretaria xudicial