De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, logo de ser intentada sen éxito a notificación persoal a través do servizo de Correos, notifícaselle a José Manuel Rodríguez Rivera o requirimento da verificación da sinatura na interposición do recurso de alzada núm. RA/VI/2014/00022, interposto por María Luisa Prado Rivera e José Manuel Rodríguez Rivera contra a resolución do expediente sancionador LU-68/2012.
Co fin de dar cumprimento ao establecido no artigo 110.1 da Lei 30/1992, do 26 de novembro, de réxime xurídico das administracións públicas e do procedemento administrativo común, a interposición dos recursos administrativos deberá expresar, entre outros aspectos, a sinatura do recorrente e o escrito presentado ten sinatura pero non consta a súa verificación.
Os interesados dispoñen dun prazo de dez días, contados desde o día seguinte ao da publicación deste anuncio no Boletín Oficial del Estado, para presentar a documentación referida na Secretaría Xeral Técnica da Consellería de Infraestruturas e Vivenda, situada nos Edificios Administrativos de San Caetano, s/n, 15781 Santiago de Compostela, das 9.00 ás 14.00 horas, de luns a venres. Advírtese que, de non facer o requirido, darase por desistido no recurso nos termos do artigo 71 da Lei 30/1992 citada.
Santiago de Compostela, 23 de febreiro de 2016
Joaquín Macho Canales
Secretario xeral técnico da Consellería de Infraestruturas e Vivenda