Marta Yanguas del Valle, secretaria xudicial do Xulgado do Social número 5 de reforzo da Coruña, fago saber que no procedemento de despedimento/cesamentos en xeral 795/2015 deste xulgado do social, seguido por instancia de Ana María Bonome Ordóñez contra Setillas, S.L., Fogasa, sobre despedimento, se ditou a resolución cuxo encabezamento e parte dispositiva son do teor literal seguinte:
Sentenza: 71/2016.
Xuíz: Javier López Cotelo.
Procedemento: despedimento 795/2015, acumulado despedimento 1038/2015.
Demandante: Ana María Bonome Ordóñez
Letrado: Sr. Puñal Souto
Demandado: Setillas, S.L.
Fogasa.
Sentenza 71/2016.
A Coruña, 1 de febreiro de 2016.
Decisión:
1º. Teño por desistida a parte demandante da acción de resolución de relación laboral que dera lugar á tramitación do procedemento de despedimento 795/2015.
2º. Estimo a demanda sobre despedimento formulada por Ana María Bonome Ordóñez fronte á empresa Setillas, S.L. e, en consecuencia, declaro a improcedencia do despedimento e a extinción da relación laboral na data desta sentenza. Todo iso con condena da empresa indicada ao aboamento ao demandante de:
a) 4.798,84 euros, en concepto de indemnización.
b) 4.981,50 euros, en concepto de salarios de tramitación.
3º. Estimo a acción sobre reclamación de cantidade formulada por Ana María Bonome Ordóñez fronte á empresa Setillas, S.L. e, en consecuencia, condeno esta última a aboarlle á primeira a suma de 2.134,58 euros en concepto de salarios debidos, así como o 10 % de xuro de mora da dita cantidade nos termos do artigo 29.3 do ET.
4º. O Fogasa deberá pasar polo resolto na presente resolución.
Inscríbase a presente resolución no libro de sentenzas, e déixese testemuño desta no presente procedemento.
Notifíqueselles esta sentenza ás partes advertíndolles que contra ela se poderá interpor recurso de suplicación ante o Tribunal Superior de Xustiza de Galicia, o cal deberá anunciarse neste xulgado no prazo dos cinco días seguintes á notificación desta resolución por comparecencia ou mediante escrito, pasados os cales se declarará firme e se procederá ao seu arquivamento.
Advírtaselle igualmente ao recorrente que non fose traballador ou beneficiario do réxime público da Seguridade Social, ou habente causa seu, ou non teña recoñecido o beneficio da xustiza gratuíta, que deberá depositar a taxa establecida na Lei 10/2012, do 20 de novembro.
Así o pronuncio, mando e asino, Javier López Cotelo, xuíz social de reforzo da Coruña.
Publicación. A anterior sentenza foi lida e publicada polo xuíz que a subscribe no día da súa data, do cal eu, a secretaria xudicial, dou fe.
E para que conste e lle sirva de notificación a Setillas, S.L., en ignorado paradoiro, expídese a presente cédula para a súa publicación no Diario Oficial de Galicia e colocación no taboleiro de anuncios.
A Coruña, 1 de febreiro de 2016
A secretaria xudicial