Aprobados os pregos de cláusulas administrativas particulares e de prescricións técnicas, que rexen a contratación do arrendamento de dúas edificacións con destino a almacén para os distintos servizos do Concello de Sanxenxo, anúnciase a convocatoria para a súa contratación.

1. Obxecto: a contratación do arrendamento de dúas edificacións con destino a almacén para os distintos servizos do Concello de Sanxenxo.

2. Duración do contrato: un (1) ano con posibilidade de dúas prórrogas dun (1) ano cada unha.

3. Prezo de licitación: o orzamento máximo (3 anualidades) de licitación, co IVE, é de 69.696,00 € para o lote A e para o Lote B 52.272,00 €. O orzamento máximo de licitación mensual, co IVE, ascende a 1.936,00 € para o lote A e 1.452,00 € para o Lote B.

4. Procedemento e tramitación: a adxudicación realizarase mediante concurso público.

5. Criterios de adxudicación:

– Prezo: expresarase nunha cantidade que non poderá superar o orzamento máximo de licitación mensual, co IVE, que figura para cada lote. Valorarase ata un máximo de 50 puntos.

– Edificación ofertada: ata un máximo de 50 puntos. Para estes efectos, os licitadores deberán presentar documentación descritiva da edificación ofertada.

6. Lugar e prazo de presentación de ofertas: as proposicións presentaranse no Rexistro Xeral do Concello de Sanxenxo, das 9.00 ás 14.00 horas, agás o sábado, que será das 9.00 ás 13.00 horas, dentro do prazo de quince (15) días naturais contados desde o día seguinte ao da publicación do anuncio no Boletín Oficial da provincia de Pontevedra, Diario Oficial de Galicia e no perfil do contratante do órgano de contratación que figura na páxina web do Concello, www.sanxenxo.es . O cómputo de prazos comezará desde a última publicación en calquera dos medios citados.

7. Mesa de contratación: designados os seus membros por Resolución da Alcaldía do 18 de xaneiro de 2016. Será constituída de acordo co sinalado na cláusula 12ª dos pregos respectivos.

8. Entidade e información: Concello de Sanxenxo-Sección de Contratación. Tel.: 986 72 00 75. A documentación recollerase no Concello de Sanxenxo e a través da web www.sanxenxo.es -perfil de contratante.

Sanxenxo, 20 de xaneiro de 2016

David Otero Domínguez
Alcalde accidental