O día 30 de decembro de 2015 publicouse no DOG a Orde do 23 de decembro de 2015 pola que se aproba o Plan xeral de explotación marisqueira para o ano 2016.

Xunto coa citada orde non se fixeron públicos os anexos, polo que cómpre proceder agora á súa publicación.

En consecuencia co anteriormente exposto, no exercicio das facultades que me confire o artigo 4 do Decreto 168/2015, do 13 de novembro, polo que se establece a estrutura orgánica da Consellería do Mar, e o artigo 34 da Lei 1/1983, do 12 de febreiro, de normas reguladoras da Xunta e da súa Presidencia,

ACORDO:

Primeiro. Facer públicos os anexos da Orde do 23 de decembro de 2015 pola que se aproba o Plan xeral de explotación marisqueira para o ano 2016.

Segundo. Facer a seguinte corrección de erros na páxina 52.592, cadro F (plans de explotación de equinodermos), provincia de Pontevedra, confraría de pescadores de Baiona, días máximos de extracción:

Onde di: «A pé: 50», debe dicir: «A pé: 60».

Disposición derradeira. Entrada en vigor

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 29 de xaneiro de 2016

Rosa Mª Quintana Carballo
Conselleira do Mar