Para xeral coñecemento, de conformidade co disposto nos artigos 72 e 104 e seguintes da Lei 29/1998, do 13 de xullo, reguladora da xurisdición contencioso-administrativa, faise público que a sección segunda da Sala do Contencioso-Administrativo do Tribunal Superior de Xustiza de Galicia, con data do 8 de outubro de 2015, pronunciou a sentenza número 605/2015, ditada no procedemento ordinario número 4074/2011, interposto por Rosa María Lado Fernández, sentenza que na súa parte dispositiva literalmente di:

«Estimamos o recurso contencioso-administrativo interposto polo procurador José Manuel Lado Fernández, en nome e representación de Rosa María Lado Fernández, en relación coa Orde da Consellería de Medio Ambiente, Territorio e Infraestruturas do 10 de decembro de 2010; e declaramos que a clasificación como solo urbanizable non delimitado de parte do predio descrita no feito terceiro da demanda non é conforme dereito e anulámola dispoñendo que o plan xeral debe clasificar a dita parte como solo urbano consolidado; sen imposición das custas».

A citada sentenza foi declarada firme.

Santiago de Compostela, 14 de xaneiro de 2016

María Encarnación Rivas Díaz
Secretaria xeral de Ordenación do Territorio e Urbanismo