De conformidade co disposto nos artigos 59.5 e 61 da Lei 30/1992, do 26 de novembro, de réxime xurídico das administracións públicas e procedemento administrativo común, logo de intentada a notificación persoal a través do servizo de Correos, sen que se puidese practicar, notifícaselle á persoa interesada, por medio do presente anuncio publicado no Boletín Oficial del Estado (BOE), o acto administrativo sinalado no anexo.
Así mesmo, este anuncio publicarase no Diario Oficial de Galicia, aínda que a eficacia do acto notificado quedará supeditada á súa publicación no BOE.
O interesado poderá formular as alegacións e achegar os documentos que considere oportunos para a defensa dos seus dereitos no prazo de 10 días contados desde o seguinte ao da publicación deste anuncio. Así mesmo, deberá achegar valoración económica dos bens que reclama e documentación xustificativa desa valoración.
Para coñecer o contido íntegro do acto que se notifica, o interesado poderá comparecer nas dependencias da Secretaría Xeral Técnica da Consellería do Mar situadas no Edificio Administrativo San Caetano s/n 15781, Santiago de Compostela, das 9.00 ás 14.00 horas, de luns a venres.
Santiago de Compostela, 21 de xaneiro de 2016
Mª Isabel Concheiro Rodríguez-Segade
Secretaria xeral técnica da Consellería do Mar
ANEXO
Acto de notificación: acordo de inicio do procedemento de responsabilidade patrimonial R.P. 86/2015-PO-PSC.
Data do acordo de inicio: 28 de setembro de 2015.
Interesado: Alfredo Budiño Gómez.
Último domicilio coñecido: rúa Rosalía de Castro, 10-1º, 36930 Bueu (Pontevedra).