De conformidade co disposto nos artigos 59.5 e 61 da Lei 30/1992, do 26 de novembro (BOE núm. 285, do 27 de novembro), modificada pola Lei 15/2014, do 16 de setembro (BOE núm. 226, do 17 de setembro), de réxime xurídico das administracións públicas e do procedemento administrativo común, notifícase á mercantil J.M. Pascual Arias, S.L., co último domicilio coñecido en Heras de Móstoles, 10, 1º B, Villanueva de la Cañada (Madrid), Acordo do presidente de Portos de Galicia do 9 de decembro de 2015, que inicia expediente para decretar a incautación, a favor de Portos de Galicia, da embarcación de nome Bergamota, con folio 6ª-65-4-1-03, depositada no porto de Ribadeo, por non ser posible a notificación a través do servizo de Correos.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no BOE.
O acordo emítese, unha vez que se decretou a caducidade da autorización temporal para o uso da praza de atracada número P9-15E das instalacións náutico-deportivas do porto de Ribadeo, e na súa virtude retirouse a embarcación da lámina de auga, con base no establecido no artigo 20 do Decreto 130/2013, do 1 de agosto, polo que se regula a explotación dos portos deportivos e das zonas portuarias de uso náutico-deportivo de competencia da Comunidade Autónoma de Galicia, na regra décimo quinta de aplicación á tarifa portuaria E-2 prevista na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, e no artigo 49 do Regulamento de servizo e policía aprobado pola Orde Ministerial do 12 de xuño de 1976.
O expediente completo para o seu exame e consulta atópase na sede dos servizos centrais de Portos de Galicia, sitos na praza de Europa, nº 5-A, 6º, Santiago de Compostela.
Outórgase ao propietario da embarcación un prazo máximo de 15 días para formular alegacións e igualmente para reclamar e retirar a embarcación do porto, logo do pagamento dos créditos pendentes en concepto de taxas.
Infórmase ao propietario que decretada a incautación, e en tanto que ben moble patrimonial incautado, Portos de Galicia poderá proceder de acordo co artigo 69 da Lei 5/2011, do 30 de setembro, de patrimonio da Comunidade Autónoma de Galicia, ao alleamento da embarcación.
A instrución do expediente recae no xefe da División Xurídica de Portos de Galicia.
Santiago de Compostela, 18 de xaneiro de 2016
José Juan Durán Hermida
Presidente de Portos de Galicia