De conformidade co disposto nos artigos 59.5 e 61 da Lei 30/1992, do 26 de novembro (BOE nº 285, do 27 de novembro), modificada pola Lei 15/2014, do 16 de setembro
(BOE nº 226, do 17 de setembro), de réxime xurídico das administracións públicas e do procedemento administrativo común, notifícaselle a Mª José Díaz Rodríguez, con último domicilio coñecido en Granxa, 35, PC-6º F, Viveiro (Lugo), o Acordo do presidente de Portos de Galicia do 9 de decembro de 2015, que inicia expediente para decretar a incautación, a favor de Portos de Galicia, da embarcación de nome Dos B Jays, con folio 7ª-CO-246/93, da que é copropietaria, depositada no porto de Celeiro, por non ser posible a notificación a través do servizo de Correos.

Así mesmo, este anuncio publicarase no Diario Oficial de Galicia, aínda que a eficacia do acto notificado quedará supeditada á súa publicación no BOE.

O acordo emítese por estar a embarcación desde o ano 2004 depositada en estado de abandono nunha parcela do porto de Celeiro, onde foi retirada por esta entidade dado o perigo existente de afundimento, con base no establecido no artigo 20 do Decreto 130/2013, do 1 de agosto, polo que se regula a explotación dos portos deportivos e das zonas portuarias de uso náutico-deportivo de competencia da Comunidade Autónoma de Galicia, na regra décimo quinta de aplicación á tarifa portuaria E-2 prevista na Lei 6/2003, do 9 de decembro, de taxas, prezos e exaccións reguladoras da Comunidade Autónoma de Galicia, e no artigo 49 do Regulamento de servizo e policía aprobado pola Orde ministerial do 12 de xuño de 1976.

O expediente completo para o seu exame e consulta encóntrase na sede dos servizos centrais de Portos de Galicia, sitos na praza de Europa, número 5-A, 6º, Santiago de Compostela.

Outórgaselle ao propietario da embarcación un prazo máximo de quince (15) días para formular alegacións, e igualmente para reclamar e retirar a embarcación do porto logo de pagamento dos créditos pendentes en concepto de taxas.

Infórmaselle ao propietario que, decretada a incautación, e como ben moble patrimonial incautado, Portos de Galicia poderá proceder, de acordo co artigo 69 da Lei 5/2011, do 30 de setembro, de patrimonio da Comunidade Autónoma de Galicia, ao alleamento da embarcación.

A instrución do expediente recae no xefe da División Xurídica de Portos de Galicia.

Santiago de Compostela, 19 de xaneiro de 2016

José Juan Durán Hermida
Presidente de Portos de Galicia