Con motivo da entrada en vigor en España do novo réxime de pagamento básico o pasado 1 de xaneiro de 2015, o Ministerio de Agricultura, Alimentación e Medio Ambiente recompilou os datos necesarios para efectos do cálculo provisional dos dereitos de pagamento básico.
De acordo co establecido no artigo 20.1 do Real decreto 1076/2014, do 19 de decembro, sobre asignación de dereitos de réxime de pagamento básico da política agrícola común, comunícaselles a todos os interesados que a información sobre o detalle dos dereitos provisionais de pagamento básico se poderá consultar a través da web do FEGA (www.fega.es).
Santiago de Compostela, 14 de decembro de 2015
O/a director/a do Fondo Galego de Garantía Agraria
P.S. (Artigo 12.2 Lei 16/2010, do 17 de decembro)
Belén María do Campo Piñeiro
Directora xeral de Gandaría, Agricultura e Industrias Agroalimentarias