Rafael González Alió, secretario xudicial do Xulgado do Social número 1 de Lugo, fago saber que no procedemento 302/2014 deste Xulgado do Social, seguido por instancia de Raúl Paz Fernández contra o Instituto Nacional da Seguridade Social, a Mutua Asepeyo, a Mutua Universal, Agro Páramo e Exclusivas Fernández, sobre invalidez, se ditou sentenza cuxa resolución é a seguinte:

Rexeito a demanda presentada por Raúl Paz Fernández, que compareceu persoalmente, contra o Instituto Nacional da Seguridade Social e a Tesouraría Xeral da Seguridade Social, ambos os dous representados polo letrado da Administración da Seguridade Social Sr. Villalobos Maldonado; Asepeyo, Mutua de Accidentes de Trabajo y Enfermedades Profesionales de la Seguridad Social nº 151, representada pola letrada Sra. García-Puertas Taboada; Mutua Universal Mugenat, Mutua de Accidentes de Trabajo y Enfermedades Profesionales de la Seguridad Social nº 10, representada pola graduada social Sra. López López; Antonio Paz Fernández (Agro Páramo), que non compareceu malia constar a súa citación en forma legal, e Julia Fernández Fernández (Exclusivas Fernández), que non compareceu malia constar a súa citación en forma legal, e, en consecuencia, absolvo os demandados de todos os pedimentos deducidos na súa contra.

Notifíqueselles esta resolución ás partes, facéndolles saber que esta non é firme e que contra ela cabe interpor, ante este xulgado, recurso de suplicación que resolverá a Sala do Social do Tribunal Superior de Xustiza de Galicia.

E para que lle sirva de notificación en forma a Agro Páramo e Exclusivas Fernández, en paradoiro ignorado, expido e asino este edicto.

Lugo, 23 de novembro de 2015

O secretario xudicial