Para os efectos previstos na Lei 24/2013, do 26 de decembro (BOE núm. 310), do sector eléctrico, e no título VII do Real decreto 1955/2000, do 1 de decembro (BOE núm. 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa previa e de construción da instalación eléctrica que se describe:

Solicitante: Unión Fenosa Distribución, S.A.

Domicilio social: A Batundeira, 2, Velle, Ourense.

Denominación: adecuación LMT para entroncamento dunha LMT particular na Seara.

Situación: concello de Quiroga.

Características técnicas: instalación dun apoio tipo C-14/2000 na liña de media tensión SEQ805 para unha derivación a un centro de transformación particular, entre o centro de transformación Visuña e o centro de transformación O Soldón A Seara.

Todas aquelas persoas ou entidades que se consideren afectadas poderán examinar o proxecto e presentar as súas alegacións, nesta xefatura territorial, sita na rolda da Muralla, nº 70, baixo 2, Lugo, no prazo de vinte (20) días a partir do seguinte ao da última publicación desta resolución.

Lugo, 24 de novembro de 2015

Pilar Fernández López
Xefa territorial de Lugo