Tipo e nº de recurso: RSU recurso suplicación 3827/2014

Xulgado de orixe/autos: seguridade social 818/2013 Xulgado do Social número 3 de Vigo

Mª Socorro Bazarra Varela, letrada da Administración de xustiza da Sala do Social do Tribunal Superior de Xustiza de Galicia, fai saber que no procedemento recurso de suplicación 3827/2014 desta sección, seguido por instancia de Jesús Pérez Laredo contra o Instituto Nacional da Seguridade Social, Tesouraría Xeral da Seguridade Social, Granitos de Galicia, S.A., Mutua de Accidentes de Trabajo Fraternidad-Muprespa sobre accidente, se ditou a seguinte resolución:

«Que estimando en parte o recurso de suplicación interposto pola representación procesual do demandante, contra a sentenza con data do 31 de marzo de 2014, ditada polo Xulgado do Social número 3 (reforzo) de Vigo, en autos 818/2013, revogamos en parte a sentenza impugnada e, con estimación en parte da demanda reitora, declaramos que a base reguladora da pensión de invalidez permanente total recoñecida ao demandante ascende á suma de 1.315,85 euros, condenando as demandadas a se ater á anterior declaración.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta Sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público de seguridade social, deberá efectuar:

– O depósito de 600 € na conta de 16 díxitos desta Sala, aberta no Banco de Santander (Banesto) co nº 1552 0000 37, seguida de catro díxitos correspondentes ao nº do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Así, por esta nosa sentenza, pronunciámolo, mandámolo e asinámolo».

E para que sirva de notificación en legal forma á empresa Granitos de Galicia, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 13 de novembro de 2015

A letrada da Administración de xustiza