De conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, notifícanselles ás persoas que a seguir se relacionan as solicitudes de acreditación da representación dos recursos interpostos contra as resolucións dos expedientes sancionadores instruídos por infraccións da normativa reguladora dos transportes terrestres, por resultaren descoñecidos os seus destinatarios ou ben porque, intentada a notificación, non se puido efectuar.
Examinado o recurso interposto, observouse que este non ten un requisito esencial exixido polo artigo 32.3 da Lei 30/1992, do 26 de novembro, de réxime xurídico das administracións públicas e do procedemento administrativo común, tal e como é que, para interpoñer recursos se deberá acreditar a representación por calquera medio válido en dereito que deixe constancia fidedigna. Polo tanto requíreselle para que presente a documentación (orixinal ou copia compulsada) do representante para actuar en nome da entidade; remitíndoo á Consellería de Infraestruturas e Vivenda; Secretaría Xeral Técnica; Servizo Técnico-Xurídico; San Caetano, bq. 5; 15781 Santiago de Compostela (A Coruña).
Por todo o exposto, e co fin de dar cumprimento ao establecido no artigo 110.1 da Lei 30/1992, do 26 de novembro, de réxime xurídico das administracións públicas e do procedemento administrativo común, e ter así por interposto o recurso presentado, deberá proceder á emenda da falta mencionada no prazo de 10 días contados a partir da publicación desta cédula no Boletín Oficial del Estado, tal e como se establece no artigo 32.4 da mencionada lei.
Lembrarlle, que de non proceder á corrección dos defectos antes mencionados, esta Administración procederá a dar cumprimento ao establecido no artigo 113.1 da Lei 30/1992, inadmitindo o recurso interposto.
E para que conste e lle sirva de notificación ao interesado, asino e selo esta cédula.
Santiago de Compostela, 24 de novembro de 2015
Joaquín Macho Canales
Secretario xeral técnico da Consellería de Infraestruturas e Vivenda
ANEXO
Número recurso Expediente Matrícula Denunciante |
Recorrente |
Infracción cometida Datos da denuncia: data; hora; estrada; p.q. |
RA/M/2015/00693 XC-00571-O-2014 9635-CFF/R-2660-BBD Garda Civil 1501 S50713X |
Transleca, S.L. |
Non levar inserida no tacógrafo a tarxeta de condutor ou a folla de rexistro dos tempos de condución e descanso, cando iso resulte exixible ou facelo de forma incorrecta. Ou non ter efectuado os documentos impresos ao inicio e á finalización da viaxe nos supostos de deterioración ou mal funcionamento da tarxeta de condutor ou no caso de que esta non conste no seu poder. 8.10.2013; 12.35; N-634; 666 |